Zaman…
20-ci
əsrin əvvəllərinə qədər insanlar mütləq zamana inanırdı.İki hadisə arasındakı zaman
müxtəlif müşahidəçilər tərəfindən ölçülsə də eyni olmalı idi.Amma işıq sürətinin
müşahidəçinin sürətindən asılı olmayaraq eyni olmasının kəşfi,tək bir mütləq
zaman olduğu fikrindən uzaqlaşmağa səbəb oldu.Artıq müxtəlif müşahidəçilər zamanı
eyni yox,hər biri “özünə aid”zamanı doğru ölçürdü.Zaman artıq mütləq deyildi,şəraitdən
asılı olaraq fərqli axa bilirdi.
Cazibə
qanunu ilə kvant mexanikası birləşdirilməyə çalışılan vaxt,ortaya “virtual
zaman”fikri çıxdı.Bu anlayışa görə virtual zamanda irəliyə gedə bilirsinizsə dönüb
geriyə də gedə bilərsiniz.Çünki virtual zamanda irəli və geri arasında böyük fərq
yoxdur.
Niyə keçmişi xatırlayırıq amma gələcəyi yox?
Bəli”gələcəyi
xatırlamaq”! Qəribə səslənsə də bu ifadə zərrəciklərin CPT(Charge-zərrəciklərin
yükü,paity-spin istiqaməti ,time reversal-zamanın əksinəliyi) simmetriyasına
görə məntiqlidir.C simmetriyası maddə və antimaddə zərrəciklərinə təsir edən
qanunların,P simmetriyası əks spinli zərrəciklərə təsir edən qanunların eyni
olduğunu ifadə edir. T simmetriyasına görə bütün maddə və antimaddə zərrəciklərinin
hərəkət istiqamətini tərsinə
çevirdiyimizdə zərrəciklər əvvəlki zamandakı vəziyyətinə geri qayıtmalı olur.Normal şəraitdə
maddənin davranışını idarə edən bütün qanunlar C və P simmetriyalarında dəyişmədən
qalır. Yəni antimaddədən əmələ gələn və bizim güzgüdə əksimiz adlandıra biləcəyimiz
canlılar üçün həyat tamamilə eyni olacaq.Əslində qanunlar hər üç simmetriyada(yəni
CPT)eyni olmalı idi.Amma həyatımızda zamanın
irəli və geri istiqamətləri arasında böyük fərqlər var.Masadan yerə düşüb
qırılan stəkanı düşünün.Bunun əksi olan proses yəni,qırılan stəkanın
parçalarının birləşib masaya geri qayıtması isə normal həyatımızda mümkün
deyil.Səbəbi isə bunun termodinamikanın ikinci qanunu ilə qadağan olunmasıdır.Bu qanuna görə sistemdə nizamsızlıq və ya entropiya zaman
keçdikcə artır.Başqa sözlə desək məşhur Mörfi qanunu ilə qarşı-qarşıyayıq:İşlər
pisə doğru getməyə meyillidir.Masadakı qırılmamış stəkan yüksək nizam ,yerdəki
qırılmış stəkan isə yüksək nizamsızlıq halıdır.Keçmişdəki və ya masa üzərindəki
stəkandan gələcəkdəki və ya yerdəki qırıq stəkana getmək asan olsa
da əksi mümkün deyil.
Zamana
istiqamət verən nədir?
Keçmişlə
gələcək arasındakı fərq entropiyanın zamana istiqamət verməsi ilə əmələ gəlir.Ən
az 3 fərqli zaman oxu vardır.Birincisi termodinamik zaman oxu,hansıki
entropiyanın artdığı zaman istiqamətidir.İkincisi psixoloji zaman oxudur ki,bu
da zamanın keçdiyini hiss etdiyimiz istiqamətdir.Üçüncüsü isə kosmik oxdur.Bu
ox kainatın genişləndiyi istiqamətdədir.Entropiya bu 3 oxa eyni istiqamət verib
vahid zaman oxu anlayışını əmələ gətirir.
Ortada
maraqlı sual yaranır:Niyə psixoloji zaman oxu termodinamik oxla,başqa
sözlə desək nizamsızlığın artdığı oxla eyni istiqamətlidir?
Çünki
psixoloji zaman oxunun formalaşmasında termodinamik ox rol oynayır.Belə
ki,beynimizə bir məlumatın həkk olunmasını misal götürək.Milyonlarca bilgidən birini yaddaşımıza həkk edirik,yəni
nizamsızlıqdan nizamlı hala keçirik.Amma bu prosesin gedişində müəyyən qədər
kalori enerjini istilik yaymaq və tərləmə yoluyla ətrafa yaydınız və bu
entropiyadır.
Başqa bir maraqlı sual:Niyə kainatda
termodinamik zaman oxu var? və ya niyə
kainatın başlanğıcı nizamlılıq halında olmalıdır? Niyə kainat bütün zamanlarda
nizamsızlıq halında olmasın?
Əslində bu versiya da mümkündür. Klassik
nisbilik nəzəriyyəsi kainatın necə başladığını təxmin edə bilməyəcəyimizi
deyir,çünki bilinən bütün qanunlar Böyük partlayış sinqulyarlığında çökür.
Amma
müşahidələr göstərir ki,getdikcə nizamsızlıq halı artır, bu da güclü
termodinamik ox əmələ gətirir və kainatın nizamlılıq halından başladığı fikrini
gücləndirir.
Bir maraqlı sual daha:Bəs kainat çökməyə
başlasa nə baş verər?Termodinamik ox tərsinə çevrilər və nizamsızlıq azalar?Həmin
hadisə əsnasında insanlar yerdəki qırıq stəkanın yenidən bütün halda masaya
qayıtdığını görəcəklər?
Kainat
ən az 10 milyard il çökməyəcək,amma nə olacağını tapmağın daha sürətli
yollarından biri qara dəliyin içinə tullanmaqdır.
Ulduzun çökərək qara dəlik əmələ
gətirmə prosesi kainatın çöküşünə bənzəyir.Amma qara dəliyə tullanacaq qədər cəsur
astronavt uzanıb spagettiyə çevriləcəyi üçün,həm də qara dəlikdən çıxa bilməyəcəyi
üçün bu məlumatı bizə ötürə bilməyəcək.Amma
Penn State Universitetindən Don Page nə olacağı barədə fikir yaratdı.Bəzi alimlər
çöküşün zamanın tərsi olduğunu fikirləşirdilər(qırıq
stəkanın masaya qayıtması kimi).Ancaq
D.Page kainatın çökməsinin və ya
büzüşməsinin genişlənmə prosesinin
zamanda tərsi olmasına gərək olmadığı fikrini səsləndirdi.Sonradan Raymond
Laflame biraz qarışıq modeldə çöküşün fərqli proses olduğunu tapdı.
Ümumiləşdirək:Fizika qanunları zamanın iləri
və geri istiqaməti arasında fərq qoymur.Amma keçmişi gələcəkdən ayıran 3 ox
var:termodinamik,psixoloji,kosmik.Bunlar hamısı eyni istiqamətlidir.Bu oxların əmələ
gəlməsinin və eyni istiqamətdə olmasının səbəbi entropiyadır.Psixoloji və
termodinamik oxun niyə eyni istiqamətdə olduğunu yuxarda qeyd etdik.Kosmik ox
ona görə termodinamik oxla eyni istiqamətdə müşahidə olunur ki,biz genişlənmə
dövründə yaşayırıq.Yəni,çöküş zamanı termodinamik ox olmayacağı üçün eyni
istiqamət də olmayacaq.
Vüsal Həsənov
Mənbə:Zamanın qısa tarixi (S.Hawking)
Hiç yorum yok:
Yorum Gönder