Cinsiyyətin
təkamülü 1:cinsi çoxalmanın inkişafı
Canlıların
həyati prosesləri içərisində ən önəmli olanlarından biri çoxalmaqdır.Canlılar təkamülün
yön verməsi ilə müxtəlif çoxalma tipləri inkişaf etdirmişdir.Canlıların çoxalma
tiplərinin kökləri çox keçmişə dayanır. Bunun səbəbi də dünya üzərindəki
canlıların fizika qanunlarının əhatəsində əmələ gəlib,inkişaf etməsidir.Belə
ki, canlı formalarında həyatda qalmağın yolu
entropiyaya qarşı qoymaqdır. Ən sadə canlı formalarından ən mürəkkəbinə
qədər bütün canlılar aktiv olaraq enerjidən
istifadə edib entropiyaya qarşı gəlməyə çalışırlar. Bunları nəzərə alsaq deyə
bilərik ki,həyatda qalmağın ən asan yolu,yaşamağa əl verən ünsürləri gələcək nəsillərə ötürməkdir. Bir
sözlə canlılar formaları iki əsas məqsədlə
yaşayır. Buna həyat qanunu da deyə bilərik : Həyatda qalmaq və çoxalmaq.
Nəyə görə canlılar çoxalmaq məqsədindədirlər?
Bunun
da səbəbi odur ki, entropiya daima var olmağa imkan vermir.Canlı daima çalışır
entropiya ilə mübarizə etsin,amma müəyyən vaxta qədər. Növ olaraq məhv olmamaq
üçün informasiyanı gələcək nəslə ötürməlidir.Günümüzə qədər də canlıların
quruluşunda çoxsaylı dəyişikliklər baş versə də məqsədlər dəyişməmişdir.
Çoxalma
tiplərinin təkamülü:
Bildiyimiz ən ilkin çoxalma forması amitoz
bölünmədir. Bilirik ki,amitoz bölünmə,sürətli şəkildə genetik materialın,sonra
da sitoplazmanın bölünməsi ilə gedən çoxalma növüdür. Prokariotlarda(formalaşmış
nüvəsi olmayanlar) çox rast gəlinir. Həmin dövrdə var olan canlıların genetik
materialı ən sadə quruluşa sahib idi.Tək DNT molekulu halqa şəklində hüceyrənin
mərkəzində dayanır,bölünmə anında da DNT özünü sürətlə kopyalayar,hüceyrənin
zarına doğru itələnər, sitoplazma fermetnlərin təsirində iki yerə bölünər və nəticədə
iki hüceyrədə də eyni DNT əldə edilmişdir. Təkamül ərzində bu ən sadə, ən asan
quruluşdur. Zaman keçdikcə bəzi dəyişikliklər amitozun ixtisaslaşıb mitoz
bölünməyə başlanğıc verməsidir. Belə deyək ki,amitoz bölünmə üzərində ediləcək
çox cüzi özəlləşdirmə mitoz bölünməni əmələ
gətirir. Prokariot canlıların təkamülündə bir qol olaraq ayrılan və sonradan
çeşidlənən ilkin eukariotlar(formalaşmış nüvəsi olan) genetik cəhətdən
prokariotlardan bir addım önə keçmişlər.Eukariotların DNT quruluşu, nüvə zarı
kimi qoruyucu bir ünsürün təkamülü ilə birlikdə daha böyük və rahat şəkildə
istehsal edilməyə başlandı. Bu da “dairəvi DNT” quruluşunun yerinə “düzgün
paketlənmiş DNT” quruluşunu əmələ gətirməsinə təkan verdi. DNt- nin bu şəkildə
mürəkkəbləşməsi informasiyanın daha
güclü şəkildə depolanmasına şərait yaratsa da bu, materialın çoxaldılmasında
problem yaradırdı. Bunun nəticəsində mitoz bölünmə təkamül keçirməyə məcur olmuşdur.
Başqa bir səbəb də var.Belə ki,mitozun interfaza, profaza , metafaza, anafaza və
telofaza mərhələlərinin nəticəsi olaraq əmələ gələn sitokinez (sitoplazmatik
bölünmə) sonrasında əvvəlcə DNT-nin miqdarı 2 dəfə artır və sonradan bölünmə ilə yarıya bölünür və
mutasiyaları nəzərə almasaq 2 eyni hüceyrə əmələ gəlmiş olur. Düzdü, hüceyrə
sayını sürətli şəkildə artırır,amma çoxalma zamanı bir-birinin eyni olan hüceyrələr
əmələ gəlir ki bu da çox risklidir. Çünki əslində ana hüceyrə ilə eyni genlərə
sahib olmaq çox da yaxşı bir şey deyil. Əgər populyasiya içərisinə ölümcül bir
virus ya da yoluxucu xəstəlik daxil olarsa genetik müxtəliflik demək olar ki olmayacağı
üçün bu çoxsaylı ölümü də bərabərində gətirəcək. Əlbəttə ki mitozla bölünən
canlılarda bir miqdar da olsa fərqlilik var, ətraf mühitin də daimi dəyişməsi
müxtəlifliyə təkan verməkdədir. Amma bu yetərli deyil.Üstəlik sadəcə bu da
deyil ,fərdin birində meydana gələcək ölümcül və ya başqa bir mutasiya, olduğu
kimi gələcək nəsillərə ötürüləcək və bir nəslin həyatda qalma və çoxalma
şansını əhəmiyyətli dərəcədə azaldacaq, hətta ola bilər ki ,yox edə bilsin.
Çünki mitozla çoxalmada əmələ gələn genetik xətalar demək olar ki heç bir zaman
tam düzəldilə bilməz. Buna görə də, müxtəlifliyin həyati önəmi bir qrup canlı
üzərində seçilmə “təzyiqi “yaratmışdır. Bunun nəticəsində cinsi çoxalma təkamül
edə bilmişdir.
Diploid
xrmosom dəstinə malik canlıların əmələ gəlməsi mitozdan meyoza keçidin əsas
hadisələrindən biri olmuşdur.Bu proses əslində mitozun düzgün getməməsinin nəticəsində
inkişaf edə bildi.Belə ki,erkən prokariot
canlılarda tək halda olan DNT,mitozun başlanğıcında ikiləşir amma elə
ola bilir ki,bölünmə baş verməsin.Nadir hallarda ola bilər ki,iki hüceyrə birləşib
vahid hüceyrə əmələ gətirsin və bununla dagenlər bir bədəndə birləşib ikiqat
artsın.Bu proseslərin nəticəsində diploid orqanizmlər yarandı.Düzdü,bu tip
canlıların əksəriyyəti ölümcül xüsusiyyətlər qazandılar.(gen uyuşmazlığı və
s.)Nadir hallarda da olsa çox xromosomlu
canlılar sağ qalırdı.
Cinsi çoxalma ya da meyoz,mitozdan bir az daha
fərqli bir prosesdir. Əslində arxa-arxaya 2 mitoz kimi görünə bilər, sadəcə
xromosomların çoxaldılması və paylanması fərqlidir. Meyozda hər bir xromosom
homoloq xromosom əmələ gətirir və mitoza olduqca bənzəyən bölünmə ilə homoloq
xromosomlar fərqli hüceyrələrə ayrılır və yenə mitoza olduqca bənzəyən ikinci
bir bölünmə ilə qız xromatidlər bir birindən ayrılaraq cəmi 4 fərqli hüceyrə əmələ
gəlir, beləcə tək hüceyrədən 4 fərqli hüceyrə əmələ gəlir. Ana hüceyrədə 2 dəst
(diploid)xromosom olduğu halda qız hüceyrələrdə tək bir dəst(haploid) xromosom
olur və qarşı cinsdən gələn bir dəst xromosom sayəsində birləşərək 2 dəst xromosomun bərpasına
gətirib çıxarır. Cinsi çoxalma təkamül edə bildi, çünki bir çox üstünlükləri
var.2 fərqli canlının genlərinin qarışmasından müxtəliflik əmələ gəlir. Bu sayədə
ana fərd ilə fərqlər əmələ gəlir. Yeni yaranmış fərd hər iki “valideyin” in bəzi xüsusiyyətlərini öz üzərində
daşıyır və belə güclü xüsusiyyət nəqli baş tutarkən, eyni zamanda da bunların
üzərinə yeni xüsusiyyətlərin əlavə
olunması mümkün olur. Çünki bir gen tək bir allel olaraq bir fərddə olarkən
deaktiv ola bilər amma bu öz alleli ilə birlikdə yeni nəsildə ortaya çıxa bilər.Həm
də cinsi çoxalmada təsadüfi birləşmələrin baş vermə ehtimalı daha yüksəkdir. Krossingover
adlanan bu proses sayəsində iki tərəfdən
alınan genlərin bir qismi tamamilə təsadüfi olaraq qarışır. Bu qarışma da yeni
xüsusiyyətlərə malik yeni fərdin əmələ gəlməsi deməkdir. Müxtəlifliyi arttırıcı
xüsusiyyətinə görə fərqli mühitdə fərqli şəkillərdə dözümlü ola bilən fərdlər əmələ
gəlir ki, bu da təkamül ərzində bəzi genlərə üstünlük yarada bilir. Mitoz ilə
çoxalan populyasiyalar sürətlə bölünə bilir, buna görə də mənbələr çox sürətli
şəkildə istifadə olunur. Amma meyoz ilə çoxalan fərdlərdə çoxalma sürəti daha
azdır. Qısaca belə deyə bilərik ki, mitozla çoxalma sürətli şəkildə irəliləsə də,meyoz
ilə çoxalan növlər daha yavaş ancaq əmin addımlarla irəliləyər və çoxalarlar.
Meyoz
ilə çoxalma daha yavaş bir prosesdir beləliklə prosesin sürətindən qaynaqlana
biləcək xətaların da xətaların da qarşısı alınmış olur. Proses ərzində meydana
gələn istər genetik, istərsə də başqa xətalar düzəldilə bilər. Cinsi çoxalma ərzində
ciddi bir xətanı təmizlənmə mexanizmi də təkamül etmişdir.
Meyozla
çoxalma uzun enerji planlanması lazım gəlir. Bu da canlılar üzərində ilk
baxışda mənfi görünən əslində son dərəcə faydalı olan təzyiq yaradır. Canlılar
çoxalmaya gedən yolda mühitə çox daha adaptasiya xüsusiyyərləri təkümül
etdirirlər. Mitozla çoxalan canlılar çox qıa zaman ərzində çoxalma fazasına
çata bildikləri üçün çox da dəyişikənlik göstərə bilmirlər.
Meyoz
ilə çoxalma sürəti mitoza nəzərən daha zəif olsa da, daha çox enerji sərf edilsə
də lazımlı xüsusiyyətlər bunu kompensasiya
edir.
Əgər
növ yetərincə şanslıdırsa mitoz ilə uğurlu bir genetik quruluşa, beləliklə
fiziki quruluşa sahib ola bilər, amma təbii ki yuxarıda sayılan səbəblərə görə
bu quruluşun yox olması da eyni dərəcədə asandır. Meyozda isə çıxdaş olunan bir
çox fenotip olur, çünki ciddi miqdarda müxtəliflik əmələ gələ bilmişdi.Ancaq təbiət
insani hisslərlə dolu bir quruluş
olmadığı üçün bir var olmaq mübarizəsi yaradır, elə təkamülə hərəkət verici ən önəmli ünsürlərindən
biri də budur. Yəni Təbii Seçmə. Bu
proses sayəsində çətinlik də gözardı edilə bilər, çünki təkamül keçirmək bir növ üçün yaxşı bir haldır.
Cinsi
çoxalmanın bir digər problemi “partnyor” tapmaq problemidir. Çünki qeyri-cinsi
çoxalmada canlı özündən çoxala bildiyi halda cinsi çoxalmada qarşı cinsə
ehtiyac vardır. Bu da ciddi bir enerji sərfiyyatı deməkdir. Bunun nəticəsində təkamülə hərəkət verən mexanizmlərdən biri
olan Cinsi Seçmə əmələ gəldi.
Göründüyü
kimi cinsi çoxalmanın təkamül eddə bilməsi üçün bir çox problemlərlə üz üzə
qalınsa da qarşılığında alınanlar növ üçün saysız üstünlüklər verir.
Cinsi
çoxalma necə təkamül etdi?
Bu məsələ haqda uzun illərdir alimlər müzakirələr
aparırlar. Açığı ortaq bir fikir yoxdur. Və bu fikirlər də gün keçdikcə inkişaf
edir və yeni şeylər ortaya çıxır. Cinsi çoxalmanın təkamülündə araşdırılmaqda
olan 3 əsas fikir mövcuddur.
Bunlardan
birincisi meyozun bakterial “seks” yəni transformasiyanın xüsusi bir növü
olduğu və bu çoxalma tipinin ixtisaslaşıb təkamül etməsi nəticəsində əmələ gəldiyi
irəli sürülməkdədir. Bəzi bakterialar DNT-lərini hüceyrələrin kənarına sözün həqiqi
mənasında çıxarırlar və bu gen başqa bir bakterial tərəfindən
“yeyilir”(endositoz) və öz DNTsi ilə inteqrasiya olunur. Bu prosesə transformasiya
deyilir indiyə qədər bu şəkildə çoxalan 67 fərqli prokariot növü tapılmışdır.
Bu fikir sayəsində prokariotik cinsi çoxalma ilə eukariotik cinsi çoxalma
arasında bir körpü qura bilirik. Bakterial transformasiya ilə eukariotik cinsi
çoxalma arasında bir çox bənzərlik mövcuddur.Biri də son zamanlarda kəşf olunan
G.intestinalis
adlı təkhüceyrəli növündə görünən ,hardasa meyozdakı homoloq xromosomların əmələ
gəlməsinə oxşar çoxalmadır.
İkinci
bir fikir meyoz ilə mitozun ikisinin də bakterial transformasiyadan paralel
olaraq təkamül etdiyi ilə bağlıdır. Yəni ilk əvvəllər bakterialar ,mitoz ilə
meyoz arası ,nə mürəkkəb nə sadə olan, amma mitoz qədər də meyoz qədər də
ixtisaslaşmamış olan bir çoxalma tipinə malik idilər. Sonrasında isə təkamül nəticəsində
bir qrup prokariot mitozla bölünməyi inkişaf etdirərkən bir digər qrup meyoz ilə
bölünməyi inkişaf etdirmişdir. Bu fikir günümüzdə çox da üzərində durulmayan
çox sübutu olmayan ancaq yenə də açıqlama gücü baxımından dəyərləndirməyə
alınan bir fikirdir.
Son
olaraq ən məntiqli gələn mitozdan təkamül edən meyoz fikri. Bu fikirə görə əvvəlcə
mitoz, amitoz kimi bir prosesdən təkamül edib sonrasında isə meoz, mitotik
bölünmədən təkamül edib.
Müasir
dövrdə meyoz ilə çoxalan canlılar mitoza da bağlıdırlar, çünki mitoz yuxarıda
dediyimiz kimi çox effektiv bir çoxalmadır. Beləliklə təbiət ikisi arasında
nizam yaratmış və eukariotik canlıların birinə məhkum olmağa məcbur etməmişdir.
Qısaca ikisini də nizamlı bir şəkildə istifadə edə bilən canlılar təbiətdə
üstün vəziyyətə keçmiş və çoxalmışlar. Günümüzdəki eukariotik canlıların
çoxunda cinsi çoxalma mexanizmi meyozdur, amma somatik hüceyrələr mitoz ilə
çoxalır, yəni bir eukariotik heyvan olaraq insanı nəzərə alsaq çoxalma
orqanlarında meyoz ilə çoxalma hüceyrələri əmələ gələrkən geridə qalan bütün
heceyrələr mitoz yolla bölünür. Hətta bunu da demək lazımdır ki, çoxalma
orqanlarımız da mitoz bölünmə nəticəsində əmələ gəlir.
İlk
cinsiyyət orqanlarının nə zaman və hansı canlıda təkamül etdi?
Bu
suala alimlər cavab verə bilirlər. İlk cinsiyyət orqanları 2 fərqli orqanizmdə
təkamül etmiş ola biləcəyi düşünülür :
1.
Funisiya dorethea : 565 milyon il öncə yaşamış bu onurğasızların
ilk cinsiyyət orqanları təkamül edən canlı olduğu düşünülməkdədir. Bunlar
müasir süngərlərin əcdadlarıdır. İlk dəfə spermatazoidləri və yumurtaları
saxlayan orqanların inkişaf etdiyi düşünülür, çünki bu heyvanlardan əvvəlki
heyvanlarda belə quruluşlar tapılmayıb.
2.
Materpiscis sp. Bir növ balıq olan bu
canlının ilk dəfə cinsiyyət orqanları inkişaf etdirdiyi düşünülən ikinci
canlıdır. Bu heyvanda cinsi çoxalmanın 410 və ya 400 milyon il öncə təkamül etdiyi
düşünülür.
Belə
xüsusi orqanların səbəbi budur ki, dəniz son dərəcə xaotikdir və bir çox balıq
daima üzməlidir, bu da sperm ilə yumurtaların görüşmə şansını azaldır bu səbəblə
də ilk dəfə bu balıqlar qarmaq şəklində quruluşlar inkişaf etdirərək dişilərin
yumurta kisələrinə tutunmağa çalışmışlar milyonlarla illik təkamül etdikdən
sonra yumurtalarına gedən çuxurcuq genişlənərək dişi cinsiyyət orqanını əmələ gətirmişdir,
yəni cinsiyyət orqanlarının təkamül etmə səbəbi spermatazoid ilə yumurtanın
daha məhdud bir mühitdə daha əlverişli birləşməsidir.
Vüsal Həsənov
http://www.evrimagaci.org/makale/25
http://www.seeker.com/fish-had-sex-first-fossils-suggest-1765123979.html
Hiç yorum yok:
Yorum Gönder