Bu dəfəki
mövzumuz insanların (o cümlədən bir çox
heyvanın) çıxardığı o pis qoxu haqqında olacaq. Konkert olaraq ona bir ad verməyi
seçmədik. Və yazımızda da ‘o qoxu’ deyə
xitab edəcəyik. Hamımız bilirik ki, siz etmirisiz amma edənlər var. Ayıb olsun onlara deyərək yazımızın elmi tərəfini oxumağa davam edin.
Zülallların
həzmi nəticəsində əmələ gələn aminturşuların böyük hissəsi nazik bağırsaqlardan
sorulub, qana keçir. Lakin onların az bir qismi qidanın həzmə uğramayan
komponentləri və su ilə birlikdə yoğun bağırsaqlara
düşür. Yoğun bağırsaqlardan böyük miqdarda su sorulur, bağırsaq möhtəviyyatı tədricən
qatılaşır və nəhayət bərk kütləyə çevrilir. Burada qida kütlələri həm də
simbioz (şərikli) həyat sürən bağırsaq bakteriyalarının təsirinə məruz qalır. Yoğun
bağırsaq bakteriyalarla ( E. Coli, Bact. Methanicus və s.) kifayət qədər zəngindir.
Buna görə nəcisin ümumi kütləsinin 25-30%-ni bakteriyalar təşkil edir. Bu
bakteriyalerın orqanizm üçün fizioloji əhəmiyyəti böyükdür, belə ki onlar
kobalt duzlarından və üzvi maddələrdən B12 vitamini sintez edərək,
orqanizmin bu vitaminə təlabatının ödənilməsində iştirak edirlər. Bağırsaq bakteriyalarının
simbioz həyatının otla qidalanan heyvanların orqanizmi üçün əhəmiyyəti daha
böyükdür. Çünki, məhz bakteriyalar sellülozanı bu heyvanların orqanizminin mənimsəyə
biləcəyi birləşmələrə çevirir.
Məslə
mövzusu olan o pis qoxulu havanınyaranmasına nəzər salsaz fayda var.
Bağırsaq
bakteriyalarının təsiri nəticəsində yoğun bağırsaqda üzvi maddələr qıcqırma və
çürümə proseslərinə uğrayır. Karbohidratlar, lipidlər, və bəzi aminturşu
molekullarının karbon skeleti fermentativ dəyişikliyə uğrayıb, sirkə, süd və yağ
(butirat) turşusuna çevrilə bilər. Bu proses qıcqırma adlanır. Bundan əlavə,
azotlu üzvi birləşmələr olan aminturşular bağırsaq bakteriyalarının ferment
sisteminin təsiri altında aminsizləşmə, karboksilsizləşmə və digər fermentativ
dəyişikliklərə uğrayır ki, buna da çürümə deyilir. Aminturşuların çürüməsi nəticəsində
bağırsaqlarda CO2, ammonyak, metan, indol, skatol kimi maddələr əmələ
gəlir. Bu maddələrin əmələ gələməsi çürümə zamanı bağırasaqlarda zülal
hidrolizi məhsullarının (aminturşuların) dekarboksilləşmə, aminsizləşmə, metilləşmə
və dimetilləşmə, oksidləşmə və reduksiya reaksiyaların uğraması ilə əlaqədardır.
Aminturşuların əksəriyyəti bağırsaq bakteriyalarının təsiri nəticəsində
dekarboksilləşmə reaksiyasına uğrayıb, toksik təsirli aminlərə çevrilir.
Bunlara meyit zəhərləri və ya ptominlər deyilir.
Əlavə məlumatlar:
- Buraxılmış tipik bir qazın 59%-i azot, 21%-i hidrogen, % 9-u karbondioksid,% 7-i metan və yalnız 4% -i oksigendən ibarətdir. Qidalanmanız sulfid cəhətdən nə qədər zənginse, qazınız da o qədər bərbad iy verər.
- Qazlı içkilər, yumurta, pendir, paxla və kələm kimi qidalar digərlərindən daha çox sulfid ehtiva edir. Qısacası bunları yediyinizdə buraxılan qazın (merkaptanlar və hidrogen sulfid) yan qomşunuza çatması təəccüblənəcək bir şey deyil.
- Hər bir insan gün ərzində ortalama 14 dəfə xoşagəlməz o qazı çıxarar. Qadınlar da bu siyahıya daxildir. (və başda oxuduğunuzun əksinə bu ayıb bir şey deyil, sadəcə xoşa gəlməzdir)
- Şimşəkdən fərqli olaraq ilk öncə səsi eşidilər.
- Tərkibində olan metan və digər qazlar sayəsinə yana bilər. Nadir hallarda, yanıcı qazların bağırsaqlarda yığılması bağırsaq əməliyyatlarında partlamalara səbəb olmuşdur.
- Çox iyrəncləşdirmədən sonlandıraq məncə.
Hiç yorum yok:
Yorum Gönder